Dagsetningar :

31.Janúar -2.Febrúar.  

7.-9. Febrúar (sérferð - frátekið)

21.-23. Febrúar ( Skvísuferð )

24.-26.Febrúar (ath.mánudagur-miðvikudags) 

28.Febrúar-2.Mars. ( Skvísuferð ) uppselt (hægt að fara á biðlista)

14.-16. mars.

​

​

Skíðaganga er ein besta og skemmtilegasta hreyfing og útivist sem hægt er að finna á veturna. Nú ætlum við hjá Millu og Krillu ferðum að bjóða ykkur með okkur norður á Strandir á 3ja daga gönguskíðanámskeið á gönguskíðasvæði strandamanna í Selárdal í Steingrímsfirði. Svæðið þykir henta einstaklega vel fyrir byrjendur enda flatur og skjólsæll dalur.

Gist verður á hótel Laugarhól í Bjarnarfirði í herbergjum með sérbaði. Hótelið býður upp á flottan íþróttasal fyrir bjór-/freyðivíns jóga, kósý setustofu og síðast en ekki síst heita sundlaug þar sem frábært er að slaka á eftir gönguskíðadaginn.

Sjá heimasíðu hótelsins hér https://www.laugarholl.is/

Verð: 98.000 - kr. á mann í tveggja og þriggja manna herberjum.

Innifalið: 

• Gönguskíðanámskeið

• Gisting á Hótel Laugarhól í 2 nætur

• Fullt fæði frá kvöldverði á föstudag að hádegisverði á sunnudag

• Aðgangur í sundlaugina

• Jóga og teygjur í sal föstudag og laugardag

• Síðdegis-snarl

 

Ekki innifalið:

• Drykkir (Koma með eigin drykki)

• Hádegisverður á föstudag

• Boðið er upp á að koma á fimmtudag fyrir aðeins 12.000 á mann gisting og morgunmatur

Dagskrá:

Dagur 1: Föstudagur
Við ætlum að hittast við sjoppuna í Hólmavík klukkan 11:30 þaðan sem við ökum saman inn í Selárdal þar sem námskeiðið hefst. Skipt verður í hópa eftir getu svo bæði byrjendur og lengra komnir fái æfingar við sitt hæfi. Þegar æfingu líkur höldum við saman heim á hótel þar sem Krilla fer með okkur í sitt einstaka og bráðnauðsynlega  jóga í flotta íþróttasalnum.
Síðan slökum við á í heitri útisundlauginni og undirbúum okkur fyrir happy hour og gómsætan kvöldverð.

 

Dagur 2: Laugardagur
Við eyðum öllum deginum á gönguskíðasvæðinu við alls kyns æfingar, leiki og þrautir. Boðið verður upp á hádegisverð á svæðinu og kaffi. Þennan flotta skíðadag endum við svo með bjór/
freyðivínsjóga, sundlaugarpartý og veislu.

 

Dagur 3: Sunnudagur
Eftir morgunverð ætlum við að kanna umhverfi hótelsins og Bjarnarfjörð á gönguskíðunum. Við
ljúkum svo þessari frábæru helgi með síðbúnum hádegisverði á hótelinu áður en haldið er heim
á leið.