Fjallaskíðaferð
30.4. - 4.5. 2025

Þessi ferð er sannkölluð veisla fjallaskíðaunnenda þar sem við fáum að upplifa flottustu skíðaleiðir sem Austurland hefur uppá að bjóða. Gist verður á hótel 1001 Nótt í 4 nætur með fullu fæði. Hótelið stendur við bakka Lagarfljóts og býður upp á heitan pott og dásamlegt útsýni yfir Löginn og inn að Snæfelli.

 

Við höfum fengið til liðs við okkur frábæru staðarleiðsögumennina Skúla Júlíusson og Óskar Ingólfsson sem þekkja fjöllin á Austurlandi betur en flestir. 

​

Hópurinn hittist á miðvikudagskvöldi á Hótel 1001 Nótt, 5 km frá Eglisstöðum. 
Fimmtudagur, föstudagur og laugardagur eru  heilir skíðadagar og sunnudag verður skíðað fram að hádegi.

Eftir morguverð og nestisgerð munum við sameinast í bíla (akstur er ekki innifalinn) og keyra að upphafsstað skíðaleiðar sem verður valinn eftir aðstæðum hverju sinni.  

Akstursvegalengd á hverjum degi ætti ekki að vera meira en rúmur klukkutími hvora leið.

 
Á Austurlandi eru möguleikarnir nær endalausir og því aðeins nokkrir tindar listaðir hér fyrir neðan.​

• Hallberutindur á milli Reyðarfjarðar og Fáskrúðsfjarðar.

• Goðaborg í Norðfirði. Mjög skemmtilegt skíðafjall. Það hæsta í Norðfjarðarsveit, 1.132m

• Hólmatindur við Eskifjörð. Bæjarfjall Eskifjarðar og eitt tignarlegata fjall Austfjarða. 985 m.

• Hoffell við Fáskrúðsfjörð. (1092 m). Bæjarfjall Fáskrúðsfjarðar og niður af því er næstum 1000 m há skíðabrekka.

• Dyrfjallstindur á Borgarfirði.

• Ferðinni lýkur á sunnudag með hálfs dags fjallaskíðaferð á Brúðardalsfjall frá Þórudal eða á Sandfell í Skriðdal.

 

Brottför/Mæting

• Miðvikudagskvöld á Hótel 1001 nótt, við Egilsstaði.

 

Verð:

• 175.000kr

​

Innifalið

• Gisting 4 nætur í tvíbýli með morgunverði

• 3 x kvöldverðir

• 3 x nestibox  

• Fararstjórn

 

Ekki Innifalið

• Ferðir til og frá Egilsstöðum

• Kvöldmatur á miðvikudegi

• Nesti á sunnudegi

• Akstur

• Drykkir

​